Dy krerët e partive opozitare, Basha dhe Kryemadhi kanë zgjedhur që gjatë fjalës së tyre para mijëra protestuesve, t’u japin një mesazh edhe ndërkombëtarëve. Ata kanë kërkuar që ndërkombëtarët të mos kërkojnë nga ta, atë që në fakt s’do e pranonin për popullin e tyre.
“Dua t’iu them se këtu jemi bashkuar me përfaqësuesit dhe njerëzit e lirë të këtij vendi. Duhet t’u them miqve të mi, të gjithë atyre që nuk e dinë akoma se këtu nuk kanë në Demokraci. Se ai që është kryeministër, është një Maduro, por kjo nuk është Venezuela. Mos më kërkoni të pranoj kurrë atë që nuk do ta pranonit kurrë për popin tuaj. Nuk do të pranoj kurrë që një Kushtetuta të kthehet në një letër higjienike nga një bandit. Nuk do të pranoj kurrë blerjen e zgjedhjeve”, theksoi Basha.
I njëjtë ka qenë edhe mesazhi i Kryemadhit më herët, e cila tha:
Në çdo vend të Evropës apo Amerikës çdo vend demokrat nëse një kryeministër apo një deputet apo një kongresmen do faktohej nga Prokuroria me fakte, që votat janë blerë me paratë e kartelët së drogës, jo vetëm që do të ishin në burg, por të ishit të bindur se do kishin djegur çdo cep të institucioneve të narkoshtetit. Prandaj djegia e mandateve tona s’ka të bëjë me pozicionet politike por me fundin e tranzicionit. Mandatet tona do të digjen për të bërë paktin për shtetin për të ndërtuar shtetin, institucionet që mos të guxojë më njeri që të vijë në pushtet me paratë e krimit me paratë e drogës, me gjakun e shqiptarëve. Ne japim fjalën sot, nuk ka më kthim pas!
