Demokrati Astrit Patozi me anë të një postimi në “Facebook”, është kthyer pas në kohë, pikërisht në vitin 1990. Sot, data shënon 20 shkurt, dita e rrëzimit të bustit të diktatorit Enver Hoxha. Ai shkruan se kanë kaluar 27-vjet, dhe ende jemi nën sundimin e diktaturës.
Postimi i plotë
ATËHERË KUR NUK MUND TA DINIM…
Një kujtim i bukur në vitin e largët 1991. Me një grup studentësh dhe pedagogësh nga Kavaja, pjesëmarrës të grevës së urisë, që kulmoi më 20 shkurt me rrëzimin dhe heqjen zvarrë të bustit të diktatorit.
Atëherë, kur askush nuk mund ta dinte dhe as nuk mund ta merrte dot me mend se pas 27 vjetësh do të ishim në mëshirën e “Rilindjes” dhe të “Republikës së Re”, dy gënjeshtrave të mëdha, që të marra së bashku, e largojnë sot pothuajse po aq sa në atë kohë Shqipërinë nga Europa.
