Policia e Shtetit ka publikuar sot listën e personave nga Fieri me rrezikshmëri të lartë dhe që janë në kërkim.
Në pamundësi për t’i gjetur këta persona, shumë prej tyre të dënuar me burgim të përjetshëm, policia e gjen të udhës që të kërkojë ndihmën e qytetarëve duke dhënë informacion për këta të shumë kërkuar në rast se i kanë parë.
Por, mes 17 personave me rrezikshmëri të lartë ndodhet edhe një femër, të cilën policia nuk po e kap dot. Ajo është Floresha Hasan Ndino, lindur më 5 janar 1966 në Driz të Fierit.
Floresha është e dënuar me 25 vjet burg, për veprën penale “rrëmbim personi”.
Dje policia publikoi edhe listën e personave me rrezikshmëri të lartë nga Vlorë, të dënuar duke filluar nga 25 vjet burg, deri në burgim të përjetshëm.
Nuk dihet nëse kjo metodë do e ndihmojë Policinë e Shtetit dhe do i sigurojë informacione që do të mundësojnë kapjen e këtyre personave, apo do shërbejë si ndihmë për vetë të dënuarit, për t’u ruajtur më shumë nga policia.
