Gjykata e Apelit për Krimet e Rënda ka lënë në fuqi vendimin e shkallës së parë për sekuestro të pronave të Klement Balilit, i shpallur në kërkim për trafikim të lëndëve narkotike.
Prokuroria para disa muajsh ka vendosur në sekuestro të gjitha bizneset dhe pronat e Klement Balilit, si Santa Quarantën, hotele, restorante, toka dhe të gjitha pronat.
Në seancën e zhvilluar sot, gjykata vlerësoi të vlefshëm këtë vendim dhe e la në fuqi. Pas këtij vendimi, policia ka zbarkuar sot në terren, për ekzekutimin e vendimit.
Balili është ende në arrati, por Krimet e Rënda vazhdojnë hetimet ndaj tij. Para pak kohësh, reagoi edhe vëllai i Klementit, i cili e quajti absurd këtë vendim, teksa tha se e gjithë pasuria e tij është krijuar me mund e djersë dhe nuk ka lidhje me Klementin.
Hoteli i sekuestruar “Santa Quaranta” në Sarandë, rezulton të jetë nën pronësi të vëllait të Klement Balilit.
