Policia e Tiranës ka arrestuar një 29-vjeçar të shpallur në kërkim ndërkombëtar nga autoritetet italiane. Ai është Bledar Zefi, i dënuar nga Gjykata e Genovës në Itali.
29-vjeçari Zefi akuzohet për vjedhje me armë të organizuar në grup kriminal. Për këtë vepër penale, ai është dënuar në mungesë me 10 vite burgim.
Bledar Zefi është arrestuar përkohësisht dhe do të ekstradohet në Itali për të vuajtur dënimin.
