Një autobus që vinte me pushues nga Kosova, ka pësuar defekt teknik dhe ka marrë flakë në pjesën e pasme të tij. Ngjarja ka ndodhur në aksin rrugor Himarë-Sarandë, ku autobusi, me drejtues shtetasin me inicialet A. L., 38-vjeç, ka marrë flakë në ecje gjatë kohës që ishte me pushues brenda.
Bëhet me dije se autobusi po kalonte në fshatin Ilias të Himarës. Kanë qenë rreth 25 kosovarë me banim në Kosovë, dhe po shkonin në drejtim të Sarandës. Pasi ka marrë flakë motori dhe është fikur nga zjarrfikësit, pushuesit nga Kosova janë transportuar me autobus tjetër. Shkaku i zjarrit në motor mësohet se ka qenë nxehja.
Njoftimi i policisë:
Sot, në aksin rrugor Himarë-Sarandë, një autobus, me drejtues shtetasin A. L., 38 vjeç, në ecje, ka marr flakë, ku si pasojë ka vetëm deme materiale. Nga hetimet paraprake rezulton se mjeti ka marrë flakë si pasojë e një difekti teknik. Vijon puna me grupin hetimor për sqarimin e plotë e rrethanave të ngjarjes.
