Zyrtari i Bashkisë së Vaut të Dejës, Mark Zhuri, i cili aktualisht mban detyrën si Sekretar i Përgjithshëm i Bashkisë së Vaut të Dejës, ka denoncuar në Prokurori shefin e komisariatit të kësaj zone, Bardhyl Saliu.
Ai thotë se falë shefit të komisariatit të kësaj zone, Bardhyl Saliu, zona është mbushur me kanabis dhe pavarësisht disa denoncimeve të njëpasnjëshme, sipas tij, asgjë nuk është bërë për të vënë para drejtësisë.
Sipas tij, Bardhyl Saliu ka favorizuar kultivuesit e drogës, duke mbjellë të gjithë zonën e Temalit me kanabis.
Sekretari i Përgjithshëm i Bashkisë Vau Dejës, Mark Zhuri, ka paditur shefin e komisariatit të policisë, Bardhyl Saliu si personin që ka mbrojtur parcelat me kanabis në zonën e Temalit, dhe është paguar nga trafikantët. Katër ditë pasi e denoncoi në Facebook, Zhuri është paraqitur në Prokurori dhe ka dorëzuar një padi për Saliun.
