Kancelarja e Gjermanisë, Angela Merkel, tha të mërkurën se Bashkimi Evropian po këmbëngul në marrëveshjen ekzistuese për daljen e Britanisë nga blloku.
Merkel, e cila të martën takoi kryeministren Theresa May, tha se gjërat po ndryshojnë në Londër, transmeton AP. Ajo nuk dha shumë detaje por shtoi se Bashkimi Evropian “nuk e ka ndërmend të ndryshojë marrëveshjen e tërheqjes së Britanisë së Madhe”.
Merkel shprehu angazhimin e Gjermanisë për të siguruar një dalje të rregullt të Britanisë nga Bashkimi Evropian.
Kryeministrja e Britanisë, Theresa May, ndërmorri një tur bisedash me udhëheqësit evropian, në përpjekje për të bindur ata që të ndryshojnë marrëveshjen e Brexitit, pasi e njëjta nuk e ka mbështetjen e Parlamentit britanik, transmeton rel.
Nëse Britania largohet nga Bashkimi Evropian pa një marrëveshje, pasojat parashikohet të jenë në tregjet financiare dhe tregti.
