Merkatoja e PSG-së si në PlayStation nuk njeh kufij. Pas Wijnaldum, Sergio Ramos, Donnarumma dhe Hakimi, francezët kanë shënjestruar edhe Teo Hernandezin. Një interes real, konkret, i riafirmuar ditët e fundit në rrethin e lojtarit. Në tryezë një ofertë e rëndësishme si për Milanin dhe francezin, i cili do të trefishonte pagën e tij aktuale nga rreth 1.5 milion në sezon.
“Do të luaja për Milanin përgjithmonë”, deklaroi Hernandez muajt e fundit dhe me sa duket ai nuk e ka ndryshuar mendjen aspak. Ish madridisti gjeti në San Siro një vazhdimësi të performancës që kurrë nuk e kishte pasur në karrierën e tij dhe dëshiron të vazhdojë rrugën e rritjes në sezonin e kthimit të shumëpritur në Ligën e Kampionëve.
Një lidhje e fortë që duhet të çojë në muajt e ardhshëm gjithashtu tek rihapja e negociatave për rinovimin e kontratës që skadon në vitin 2024.
Një çështje që do të adresohet me qetësi dhe pa presion: Teo nuk i ka bërë asnjë kërkesë klubit, por duke pasur parasysh performancën e tij dhe super ofertat që i vijnë vazhdimisht, duke menduar për një rregullim do të jetë e pashmangshme. Milani së shpejti do të flasë për këtë me agjentin e lojtarit.
