Drejtori i Përgjithshëm i Sassuolos paralajmëron Juventusin. Jeshilzinjtë diktojnë kushtet për të shitur Manuel Locatellin.
Një përballje e re mes Sassuolos dhe Juventusit do të mbahet së shpejti. Objektivi i takimit të ardhshëm midis dy klubeve do të jetë një marrëveshje për Manuel Locatellin. Mesfushori shprehu dëshirën e tij për t’u veshur bardh e zi, duke marrë përsëri oferta të tjera, si ajo e Arsenalit. Sidoqoftë, ‘Zonja e Vjetër’ pritet të jetë në gjendje të kënaqë bardhezinjtë, të cilët nuk duken të gatshëm të japin zbritje deri më sot.
Drejtori i Përgjithshëm i Sassuolos, Giovanni Carnevali, i cili foli për ‘paolobargiggia.it’ foli qartë, duke paralajmëruar Juventusin: “Nëse kushtet që ne kërkojmë nuk plotësohen, lojtari qëndron me ne. Ne sapo kemi mbledhur rreth 12 milionë nga shitja e Marlonit dhe nëse nuk e shesim Locatellin do të shesim disa lojtarë të tjerë. Berardi për shembull? Jo, jo për momentin sepse nuk ka kërkesa për Berardin. Dhe nëse Locatelli kërkon vetë që të mos qëndrojë? Ne nuk do të kemi probleme, por qetësia është e nevojshme për të menaxhuar situatën dhe për ta mbajtur lojtarin në mënyrë të barabartë … “.
