Negociatat për të sjellë Kaio Jorge tek Juventusi vazhdojnë. Brazilianit do t’i skadojë kontrata me Santosin në 31 dhjetor.
Kaio Jorge vazhdon të zërë titujt e lajmeve rreth merkatos ditët e fundit. Juventusi është në pole position dhe mund ta sjellë brazilianin e ri menjëherë në Torino, pa pritur deri në janar 2022, kur ai mund të kalojë falas duke pasur parasysh skadimin e kontratës me Santosin të caktuar më 31 dhjetor 2021.
Trajneri i ekipit brazilian foli mbi këtë situatë në konferencën për shtyp: “Nëse ai qëndron këtu, qëllimi është ta përdorim padyshim” – fjalët e Fernando Diniz të raportuara nga ‘Globoesporte’ – “Kaio gjithmonë më ka thënë se do të donte të largohej nga dera, ai dëshiron që Santosi të shpërblehet dhe shpresoj që kjo të ndodhë. Ai dëshiron të ndahet mirë me klubin dhe tifozët. Ai është një lojtar i rëndësishëm, i vështirë për tu zëvendësuar, por ne gjithashtu kemi luajtur pa të. Megjithatë, shpresoj se ai mund të qëndrojë me ne deri në dhjetor ”.
Negociatat, ndërkohë, vazhdojnë: ne do të shohim nëse Satosi do ta mbajë lojtarin apo Juventusi do të vendosë ta sjellë atë në Europë menjëherë për ta futur nën tutelën e Masimiliano Alegrit dhe Kristiano Ronaldos.
