Televizionet e kanë bërë gati tashmë programacionin për shtatorin, ku një sërë formatesh të reja do të vijnë për publikun. Të tjera detaje janë bërë me dije lidhur me spektaklin “Dancing with the stars” që pritet të startojë shumë shpejt. Pas Valbona Selimllarit dhe Kledi Kadiut, tashmë është zbuluar edhe anëtarja e tretë e jurisë së “Dancing with the stars”. Kryefjala.com zbuloi personazhin e tretë, duke iu referuar producentes Holta Dulaku. Ajo e ka sjellë e para këtë show në Shqipëri, dhe këtë herë do të ulet si anëtare jurie në ekranin e Top Channel.
Kledi Kadiu, balerin profesionist, sot mësues i vlerësuar, prej shumë vitesh jeton në shtetin fqinj Itali.
Holta Dulaku ka qenë producente e një sërë programesh në Shqipëri, dhe prej kohësh është shkëputur nga media. Kjo është hera e dytë që ajo ulet në kolltukun e anëtares së jurisë, pasi ka qenë kryetare në show-n që solli në Shqipëri “Tu si que vales”.
