Arsenal kërkon të transferojë Aymen Barkok. Forma e mirë që ka treguar mesfushori i Eintracht Frankfurt përgjatë këtij sezoni në kampionatin gjerman, ka tërhequr vëmendjen e klubit anglez. “Topcinjtë e Londrës” kanë paraqitur ofertën e tyre për 19-vjecarin, që kap shifrat e 10 milionë Euro.
Man.United vazhdon punën për përforcimin e skuadrës. Tekniku i “Djajve të Kuq” po kërkon ta mbyllë sa më shpejt çështjen e merkatos në mënyrë që të ketë një organikë të plotë, përpare se ekipi të nisë fazën përgatitore. Mbrojtja është reparti ku po punohet më shumë. Pas transferimit të Lindelof, United ka paraqitur sërish një tjetër ofertë për Nelson Semedo, që kap shifrat e 40 milionë Eurove. Tashmë pritet një përgjigje nga ana e Benificës, klub në të cilin aktivizohet 23-vjecari.
Liverpool ka njoftuar rinovimin e kontratës, talentin Trent Alexander-Arnold. Tekniku i “The Reds” Jurgen Klopp i vlerëson maksimalisht, aftësitë që ka mbrojtësi 18-vjecar. Në fjalën e tij, i riu u shpreh i lumtur që do të vazhdojë të jetë pjesë e Liverpool.
West Ham në ndjekje të Demerai Gray. Mediat britanike raportojnë se në drejtim të mesfushorit të talentuar të Leicester City, është paraqitur dhe një ofertë prej 17 milionë Eurosh. Hamers në ditët në vazhdim pritet të zhvillojnë dhe një takim me Leicester, në mënyrë që të tentohet gjetja e akordit.
