Gjithçka filloi me një grip të thjeshtë: ethet e zakonshme sezonale. Kështu mendonte edhe Alex Lewis, një anglez 42-vjeçar, i cili besonte se ishte prekur nga sëmundja klasike e vjeshtës. Megjithatë, në nëntor 2013, jeta e tij ndryshoi në mënyrë tragjike: tani, për fat të keq, fytyra e tij është shpërfytyruar dhe ai nuk ka më asnjë gjymtyrë.
Kur Alexi kishte ethe, ai nuk shqetësohej shumë: ishte nëntor dhe sëmundjet sezonale, si ftohja apo dhimbja e fytit, janë të zakonshme. Mirëpo, kur temperatura filloi të rritet në mënyrë dramatike (dhe të mos binte me asnjë ilaç), familja e Alexit filloi të shqetësohej seriozisht.
Ai qëndroi në agoni për 10 ditë. Kur ethet u ulën dhe u zgjua, kuptoi se lëkura i ishte bërë vjollcë: një infeksion shumë i rëndë po ndodhte. Atij iu prenë gjymtyrët dhe iu rindërtua një pjesë e fytyrës, e cila u shpërfytyrua nga bakteri vrasës: Streptococcus A.
Alex e kuptoi shumë vonë se çfarë po ndodhte brenda trupit të tij, dhe për fat të keq i nënvlerësoi simptomat. Bakteri nëse kapet me vonesë mund të sjellë pasoja shumë të rënda si në rastin e 42-vjeçarit anglez. Për këtë arsye, Alexi u bëri thirrje të gjithë prindërve të fëmijëve të vegjël: “Nëse ata kapin gripin, mos e nënvlerësoni kurrë, por bëni të gjitha kontrollet e nevojshme. Mbajini fëmijët tuaj larg asaj që më ndodhi mua”.
Burimi i lajmit: ilmattino.it. Përshtatur nga Tirana Today
