Menaxheri shqiptar, Sokol Haxhia me anë të një statusi në Facebook ka tronditur futbollin italian. Haxhia është menaxher i disa futbollistëve të talentuar shqiptarë që luajnë në Europë, mes tyre edhe Emanuele Ndoj, që luan te Brescia. Ishte pikërisht shqiptari që bëri të mundur disa vite më parë ardhjen e Gianni de Biasit te kuqezinbjtë.
“Allegri shkon te Interi nëse këta arrijnë Champions League!”, kjo është bomba që Sokol Haxhia ka lëshuar në faqen e e tij zyrtare në Facebook.
Një tifoz i ka kthyer duke i thënë se Conte te Interi është e kryer, por Haxhia ka replikuar: “Do të shohim!”.
Nuk dimë nëse Haxhia ka burime ose jo, por një gjë është e sigurt, në ambjentet që frekuenton, edhe në Milano, diçka ka dëgjuar…
