Një ngjarje e rëndë ka ndodhur në Meksikë, ku një kandidat për kryetar bashkie gjatë fushatës në San Cristobal de las Casas, është zënë në pritë nga banorët e qytetit.
Juan Camachio po kandidonte për postin e kryetarit të bashkisë dhe po realizonte fushatë me 16 maj ku bashkë me kolegët e tij u rrëmbyen për nëntë orë, për shkak se nuk kishte realizuar premtimet e dhëna më parë, kur mbante postin e kongresmenit.
Banorët e pyetën atë në lidhje me projektet e punëve publike që ai kishte premtuar në këmbim të votave, që i dhanë një vend në vitin 2018, ku u zgjodh në kongres,, shkruan Daily Mail.
Banorët e akuzonin atë për premtimet që nuk arriti të realizonte, për mos asfaltim rrugësh dhe dështim në sigurimin e ujit të pijshëm të duhur dhe shkollimit të duhur për fëmijët.
Përmes një video të publikuar, shihet momenti teksa disa burra e marrin Camachion dhe e dërgojnë në një vënd ku është një litar në të cilin do e varin atë. Pasi ja vendosin litarin në qafë, banorët bien dakord dhe e lirojnë atë.
