Në Meksikë është rrëzuar një helikopter i emergjencave civile. Helikopteri ra mbi disa automjete duke shkaktuar edhe vdekjen e personave që ishin brenda makinave. Deri tani kanë vdekur 14 persona, midis tyre katër gra, pesë burra dhe tre fëmijë, një person tjetër ka vdekur pasi është dërguar në spital si shkak i plagëve të marra.
Helikopteri ka shkuar në ndihmë të familjeve të prekur nga tërmeti me magnitutë 7.2 ballë me epiqendër në Oaxaca por që ka shkaktuar dëme materiale edhe në kryeqytetin Meksiko. Nga tërmeti i djeshëm nuk ka pasur viktima, vetëm dëme materiale.
Ministri i Brendshëm i Meksikës dhe guvernatori i shtetit jug-perëndimore të Oaxaca-s ishin në bord, por asnjëri prej tyre nuk u lëndua.
Shkaku i rrëzimit të helikopterit është humbja e kontrollit nga ana e pilotit ka deklaruar ministri i Brendshëm Alfonso Navarrete.
