Elseid Hysaj ka luajtur titullar në një transfertë të vështirë si ajo e Fiorentinës, e cila përfundoi në barazim pa gola. Mbrojtësi i Kombëtares shqiptare ka qenë më lart se niveli i skuadrës dhe në fazën mbrojtëse ishte shumë kompakt dhe i pakalueshëm.
Mediat italiane e kanë vlerësuar Hysajin me notën 6.5 duke na kujtuar atë të dikurshmin që nuk e diskutonte vendin e titullarit. “Nga ana e tij nuk kalohej. Biragi arriti shumë pak te krosi, ndërsa Muriel ndikoi shumë pak tek ish-mbrojtësi i Empolit”, këto ishin fjalët e mediave italiane për shkodranin.
Në fazën difensive mbrojtësi kuqezi është i pakalueshëm dhe Ancelotti ka filluar të besojë më shumë tek aftësitë e tij.
