Autoritetet shqiptare në Kakavijë janë treguar mjaft të kujdesshme, duke ndaluar shumë shtetas rekë të hyjnë në Shqipëri me qëllim shmangien e trazirave.
Mësohet se janë kthyer rreth 200 persona në kufirin shqiptaro-grek, në mënyrë që të shmanget ndonjë incident i mundshëm. Grekët ishin nisur drejt Bularatit, për të marrë pjesë në meshën e të 40-ave të Kostandinos Kacifas.
Megjithatë, këto masa, mediat greke i kanë cilësuar si të paprecedenta. Madje, ato vijojnë të përmendin Vorio Epirin teksa i referohen kësaj ngjarjeje.
Himara.gr shkuan për një tjetër rast ku sipas saj autoritetet kanë ndaluar edhe vetë shqiptarët të hyjnë në Bularat, për ceremoninë që do zhvillohej në kujtim të Kacifas.
“Autoritetet shqiptare kanë vijuar lëvizjet e tyre të paprecedenta. Ata ndalojnë shtetasit shqiptarë të hyjnë në vend. Autoritetet u përgjigjen pyetjeve të qytetarëve duke thënë se nuk janë të detyruar të japin shpjegime. Ata gjithashtu kërcënojnë personat që nuk respektojnë arrestimin. Ndër njerëzit që u detyruan të ktheheshin janë të afërm të Konstandin Kacifës, dhe deri më tani, informacioni thotë se autoritetet shqiptare refuzojnë hyrjen në vend të një prej motrave të tij”, shkruan ndër të tjera Himara.gr./ Përshtati TIRANA TODAY
