Nesër në Zagreb do të mbahet samiti i Iniciativës së Evropës Qendrore (SEI). I pranishëm në këtë samit do jetë edhe kryeministri Edi Rama. Media kroate “Jutarnji.h”, shkruan se i pranishëm do jetë edhe Komisioneri Evropian për Zgjerimin Johannes Hahn. Gjithashtu në takim do marrë pjesë edhe Presidenti i Bankë Evropiane për Rindërtim dhe Zhvillim Suma Chakrabarti.
Në këtë takim pritët të jetë gjithashtu i pranishëm edhe kryeministri Maqedonas Zoran Zaev.
Ndërsa ene nuk dihet se kush do ta përfaqësojë Serbinë, Bosnjë- Herzegovinën, Italinë, Austrinë …
Andrej Plenkoviç, kryeministri i Kroacisë pritet të takohet me homologun e tij shqiptar Edi Rama.
Ata pritet të nënshkruajnë një deklaratë mbi partneritetin strategjik midis Kroacisë dhe Shqipërisë. Plenkoviç do takojë gjithashtu edhe Zaev ku mund të flasin për idenë e krijimit të një pakti të përbashkët mes Kosovës, Maqedonisë, Malit të Zi dhe Kroacisë kundër Serbisë.
Ndërsa Komisioneri Evropian për Zgjerimin Johannes Hahn, do të udhëtojë menjëherë drejt Zagrebit, pasi sot është në Prishtinë. Ai ka udhëtuar drejt Kosovës që të bindë udhëheqësit e shtetit që të heqin tarifën doganorë 100 % kundër mallrave serbe.
Por, duke cituar “Jutarnji.h”, portali serb lidhur me ngjarjen “Alo.rs” shkruan: “Edi Rama arrin në Zagreb dhe paraqet një dokument që kërcënon të shkatërrojë Serbinë!”
“Kryeministri Plenkoviç dhe homologu i tij shqiptar duhet të nënshkruajnë një deklaratë mbi partneritetin strategjik midis Kroacisë dhe Shqipërisë. Ndërsa sipas portalit kroat Plenkoviç dhe Zaev mund të flasin për idenë e krijimit të një pakete të përbashkët mes Kosovës, Maqedonisë, Malit të Zi dhe Kroacisë kundër Serbisë që është iniciuar nga Enver Hoxhaj”, shkruan media serbe. /TIRANA TODAY/
