Një skandal i madh ka ndodhur në ligat amatore të Zvicrës përpara pak kohësh, teksa takimi mes Veslës dhe Kosovës është kthyer në një arenë dyluftimesh.
Një prej lojtarëve të Veslos mbeti i pavetëdijshëm në fushën e lojës, ndërsa një futbollist tjetër i kësaj skuadre kishte dëmtime në brinjët dhe mushkëri. Aktualisht ai është ende në spital. “Kurir” e ka pasqyruar këtë situatë me fillimin e Botërorit, teksa Serbia do të përplaset me Zvicrën.
Media serbe e ka përdorur këtë rast si një shenjë paralajmërimi për kombëtaren e tyre, e cila do të ketë si kundërshtar në ndeshjen e dytë në grup Zvicrën, ku do të jenë nga minuta e parë shumë futbollistë me origjinë shqiptare. Në kohët e fundit është përfolur shumë nga ana e “Kurir” për sjellje të pahijshme që priten në fushën e lojës nga ana e shqiptarëve të Zvicrës.
