Para një ore, skuadra e Crvena Zvezdës ka mbërritur në aeroportin “Nënë Tereza”. Kampionët e Serbisë do të akomodohen në hotel “Plaza” në Tiranë.
Stafi i plotë i Crvenës përbëhet nga 50 persona. Bëhet me dije se klubi ka marrë dhe një kuzhinier serb, i cili do të kontrollojë bashkë me mjekët gatimet për lojtarët, stafin dhe klubin.
Ndryshe nga sa ishte paralajmëruar se do të vinin në Shqipëri me policë serbë, Crvena Zvezda nuk ka marrë forca të posaçme të rendit, pasi lojtarët do të izolohen në një kat të veçantë të hotelit “Plaza”.
Pavarësisht kësaj, klubi serb ka kërkuar nga autoritetet shqiptare që të testohen dhe shoferët shqiptarë që do t’i transportojnë në hotel, pasi frika është e madhe ndaj pandemisë.
