Javën e fundit “Football Leaks” ka treguar anën e errët të futbollit dhe të marrëveshjeve miliona euro që fshihen nga klubet dhe institucionet që duhet ti kontrollojnë. Por së fundmi ata kanë publikuar edhe kontratën e Pep Guardiolës me Manchester Cityn. Trajneri ka firmosur në tetor të vitit 2015, në kohën kur ai kishte dhe dy muaj të mbetura nga sezoni i tretë në krye të Bayern Munchen.
Sipas asaj që shkruan prestigjiozja gjermane, “Der Spiegel” kontrata që kishin firmosur të dy palët ishte një mision sekret, pasi asnjëra palë dhe as tjetra asgjë nuk bënë publike. Zbulimi thotë se kontrata ishte nënshkruar më 10 tetor 2015, para javës së nëntë në kampionatin gjerman, pra ka ndodhur para 5 janarit kur spanjolli e ka konfirmuar publikisht dëshirën për të mos vazhduar më në stolin bavarez por për të nënshkruar me një klub tjetër në Premier League, me Manchester City, ku u bë zyrtar më 1 shkurt.
Edhe detajet e këtij operacioni janë bërë publike, ku në një sezon Guardiola do të fitonte 15.45 milionë euro, një shumë që do të rritej në 19 milionë euro, në vitet më pas. “Mirror”, të dielën e kaluar publikoi faktin se drejtori sportiv i City, Txiki Begiristain ishte takuar me Guardiolën në Barcelonë, ndonëse marrëveshja ishte nënshkruar më parë.
