Kryeministri Edi Rama ka qenë sot në Sarandë. Ai po vijon të bëjë fushatë për anëtarësime të reja në Partinë Socialite.
Por një socialiste e zjarrtë që ishte në takim i ka bërë një ankesë Ramës. Ajo është shprehu se ka 16-vjet që nuk po merr certifikatën e shtëpisë. Kryeministri mesa batutash dhe provokosh i premtoi se do ia zgjidhë hallin.
Replikat e Ramës me qytetaren
Qytetarja: Përshëndetje Edi Rama. Ju faleminderit që ju erdhët këtu. Unë kam një problem shumë të madh. Unë jam Sherina Haxhiri, jam 62-vjeçe. Kam që në vitin 2003 për hipotekën e shtëpive të mia. Deri në vitin 2018 mua nuk më është dhënë e drejta. Kam 16-vjet që Hipoteka dhe ALUIZN-i po më shkelin me këmbë. Jam nga një familje socialiste. Që kur kam lindur e derisa të vdes. Por, partia ime mua më ka shkelur me këmbë. Në çdo zyrë ku kam shkuar më kanë përbuzur e janë tallur me mua për një certifikatë për pronën time. Nuk kam lënë vend pa shkalur. Unë jam e sëmurë. Dhe nga sëmundja që kam unë më ka vdekur edhe burri im para një viti e gjysmë.
Rama: Një pyetje kam unë, është në zonë të mbrojtur shtëpia?
Qytetarja: Që…
Rama: Mos i ngri supet tani, e po të kesh lindur socialiste nuk ka gjë që nuk di.
Qytetarja: Jo, jo, jo, jo…
Rama: Po të lindësh demokrate mund të mos dish shumë gjëra. Po, po të lindësh socialiste nuk të shpëton asgjë. Më shiko mua në sy dhe lëre atë komshiun. E ke në zonë të mbrojtur shtëpinë afër Butrintit apo jo?
Qytetarja: Unë e kam, dëgjo, dëgjo…
Rama: Më shiko mua në sy, e ke afër Butrintit në zonë të mbrojtur shtëpinë? Këtë më thuaj, po ose jo.
Qytetarja: Unë di ta them, se tani më thonë që është në zonën e mbrojtur. Më përpara mua nuk më ka thënë asnjë njeri.
Rama: O të marrsha të keqen unë ty!
Qytetarja: Tani, po që më kanë thënë që është në zonë të mbrojtur.
Rama: Tamam socialiste je! Dakord.
Qytetarja: Unë kërkoj të drejtën nga ju.
Rama: Po se ata që ishin përpara as nuk ta thoshin që ishte në zonë të mbrojtur. Tani partia jote ta thotë që është në zonë të mbrojtur xhan. Kështu që do bësh durim mos u anko.
Qytetarja: Partia ime po me tha unë jam dakord dhe e pranoj. Unë pres Edi Ramën që të më kthejë përgjigje.
Rama: Ja pra këtu jam edhe unë. Ti nuk ke nevojë për mua se ti e di përgjigjen.
Qytetarja: Prandaj kam ardhur këtu për ty.
Rama: Mos më qesh se ti e di përgjigjen dhe thua hajde inshalla po e ha ky i gjati. Se me gjithë këto gjëra që ka në mëndje po i kaloj unë pa mëndje. Por pa mëndje nuk më kalon mua.
Qytetarja: Jo të gjatit i dhëntë jetë Zoti! Ta bëjë Shqipërinë shtet që të mos e shkelë asnjë me këmbë.
Rama: Dëgjo mua, e shikon ja. Por rastin tënd do e kaloj kështu si pa mëndje.
Qytetarja: Jo si të duash ti, po deshe po s’deshe….
Rama: Nuk është si të dua unë. Ajo është zonë e mbrojtur. Dhe aty ka një problem. Dhe ligjërisht në këtë rast nuk të ka rënë njëri në qafë. Sepse nuk kanë pasur mundësi që të bëjnë atë që kërkon. Prandaj ke vite që kërkon diçka që nuk bëhet dot. Dhe ne tani po përpiqeni që një pjesë të zonës ku janë banesa, se nuk je vetëm ti, ta heqim nga zona e mbrojtur. Pastaj ti dhe partia të jeni në harmoni. Nuk është çështja vetëm për ty por është për të gjithë.
Qytetarja: Unë jam tek lagja 3 tek rruga e varrezave. Të gjithë komshinjtë e mi e kanë marrë certifikatën.
Rama: Deri tek varrezat mos më ço aman se na kanë krijuar probleme edhe ata dje me atë varrimin, kështu mos na hap muhabet varresh më.
Qytetarja: Do vete unë…do vete unë atje unë..
Rama: Ku do vesh ti?
Qytetarja: Atje në varreza, kështu si jam katandisur unë.
Rama: A sa do përcjellësh ti akoma…
Qytetarja: Po po do përcjell do përcjell.
Rama: Do përcjellësh akoma, kjo është hakmarrja e grave ndaj burrave në Shqipëri. Gratë rrojnë të gjitha më shumë se burrat.
Qytetarja: Epo e ka dhënë Zoti!
Rama: Takohen më njëra-tjetrën e thonë sa të mirë e kisha burrin. Por burrat të gjithë të përcjellë atje. Mirë xhan do të shikojmë.
Gruaja: Faleminderit shumë!
