Kërcënohet me jetë deputeti shqiptar, Islam Pacolli. Deputeti i Kuvendit të Kosovës e ka denoncuar ngjarjen në polici.
Mësohet se në telefonin e tij kanë ardhur mesazhe kërcënuese për të dhe familjen e tij. Mësohet se personi që e ka kërcënuar është identifikuar nga policia, ndërsa nuk bëhet i ditur emri i tij.
“Kanosja ka qenë përmes SMS dhe ka qenë jashtëzakonisht shqetësuese. Unë e kam paraqitur rastin në polici pasi që jam kanosur unë dhe familja ime”, tha Pacolli, deputeti i AKR-së për kallxo. Më tej ai ka bërë të ditur se personi që e ka kanosur, është i njohur për policinë.
“Rasti është paraqitur në polici dhe mendoj se është detyrë e organeve të drejtësisë të merren me të”, u shpreh Pacolli. Rasti i këtij raportimi të kërcënimit ishte raportuar edhe nga policia në raportin ditor.
