Një biznesmen ka rënë pre e mashtrimit nga një shtetas, i cili i kishte kërkuar një shumë të konsiderueshme me pretekstin se do ti rregullonte “disa shkelje”. Policia e Kosovës ka vënë në pranga shtetasin Xh.P, pasi është prezantuar si hetues në krimet ekonomike pranë një biznesi, duke kërkuar 30.000 euro.
Shtetasi me inicialet Xh.P, i kishte thënë pronarëve të biznesit se po hetonte keqpërdorimin e detyrës, dhe se do të “rregullojë” rastin, kundrejt 30 mijë eurove. I dyshuari është intervistuar nga policia dhe i njëjti me urdhër të prokurorit kompetent dërgohet në mbajtje për 48 orë, për procedura të mëtejme ligjore.
