Zbardhen detaje të reja në lidhje me plagosjen e një shqiptari në Athinë mbrëmjen e djeshme nga dy persona ende të pa identifikuar.
Sipas mediave greke, shqiptari, identiteti i të cilit mbetet endee mister, është një kriminel i fuqishëm që lëvizte me jelek antiplumb.
Në momentin që u qëlluar drejt tij, ai nxitoi të fshihej dhe nuk kërkoi as ndihmë mjekësore. Mësohet gjithashtu se shqiptari është person me precedentë penal në fushën e krimeve kundër personit, vjedhje dhe grabitje.
CNN gr, shkruan se ai është një person i njohur për autoritetet, i skeduar disa herë nga policia.
Madje vetëm dy ditë para se t’i bëhej atentati, shqiptari është kapur nga autoritetet me lëndë narkotike, por është lënë i lirë për arsye që nuk dihen ende.
Pista kryesore ku po hetohet nga autoritetet greke, është prishja e pazareve të drogës dhe larja e hesapeve mes shqiptarit dhe dy autorëve, por nuk përjashton mundësia që mes tyre të ketë pasur edhe një konflikt të çastit.
