Në të gjithë problemet që po kalon bota si pasojë e koronavirusit, kjo që i ka ndodhur Kingsley Coman mund të cilësohet pa frikë si një telash luksi. Sulmuesi i Bayern Munchen do të gjobitet nga ana e drejtuesve bavarezë për shkak se është paraqitur në qendrën stërvitore me një makinë të markës McLaren.
Problemi i Bayernit qëndron se ata kanë një marrëveshje me Audin, ndaj edhe futbollistët në momentin kur paraqiten në stërvitje duhet të vinë me këtë markë. Por, Coman, ashtu si edhe Sule e Coutinho më parë nuk kanë zbatuar urdhrin, e tashmë duhet të paguajë një gjobë të majme nga xhepi.
Sakaq, francezi e ka pranuar gabimin dhe ka kërkuar falje, teksa është shprehur se e di mirë se duhet të paraqitet me Audi, por në këtë rast pasqyra e Audit ka pasur një problem dhe në këtë formë është detyruar ta zëvendësojë me një McLaren që kushtonte 174 mijë paund.
