Fotot e një nuseje para varrit të të dashurit të saj janë kthyer në pamjet më të komentuara të ditëve të fundit në rrjetet sociale.
Në foto shfaqet Jessica Padgett, e veshur me fustan të bardhë. Ajo shikohet e përkulur tek varri i Kendall James Murphy. Një aksident automobilistik te’i kishte marrë jetën zjarrfikësit në Nëntor të vitit 2017. Çifti i ri kishte planifikuar të martohej më 29 Shtator 2018.
Murphy i kishte propozuar për martesë dhe Padgett i kishte thënë ‘po’. Në respekt të fjalës së dhënë dhe kujtimit të të dashurit, në ditën e “dasmës” ajo shkoi tek varri i tij. Vajza e re e veshur me të badha ishte shoqëruar nga familjarët.
Kendall, një zjarrfikës në shtetin e Indianas në SHBA, humbi jetën pasi shoferi i zjarrfikëses përplasi makinën e shërbimit me tri autovetura. Ata po g shkonin për shuarjen e një zjarri. Kolegu i Murphyt, shoferi Colby Blake, rezultoi se kishte kaluar nivelin e lejuar të alkoolit dhe u arrestua.
Në nder të kujtimit të të dashurit të saj, Jessica postoi disa foto me fustan nusërie pranë çizmeve dhe uniformës së 27-vjeçarit që humbi jetën.
Fotot u shpërndanë nga “Loving Life Phorography” në Facebook dhe postimi u shpërnda më shumë se 21 000 herë. Një gjest i tillë ka prekur zemrat e dhjetëra mijëra njerëzve në të gjithë botën.
