Dalin fotot e incidentit të ndodhur sot te Spitali i Traumës, ku një qytetar qëlloi me këpucë në drejtim të kryeministrit Rama. Ky i fundit mbërriti në spital për të vizituar efektivët e policisë, të cilët u lënduan gjatë protestës së banorëve të Astirit.
Por, në spital ndodheshin edhe familjarë të protestuesve të lënduar, teksa me të mbërritur Rama e kanë pritur me thirrje, si “Turp, turp, turp”.
Një nga qytetarët ka qëlluar me këpucë, por kryeministri është mbrojtur truprojat.
Pas vizitës në spital, Rama ka reaguar me anë të një postimi në rrjetet sociale, ku shkruan se është i prekur thellë nga humbja e gishtave të dorës së policet Ina Nukut. Po ashtu, ai tregohet i prerë ndaj asaj që do të ndodhë me banorët e Astirit, teksa shprehet se “nuk ka asnjë shans të sfidohet ligji i shtetit”:
“I prekur thellësisht nga humbja e gishtave të dorës të Ina Nukut, policja 24 vjeçare e goditur sot në krye të detyrës dhe nga trishtimi i thellë i nënës së saj. Kjo protestë e turpshme e Antiligjit dhe Opozitës që kërkon mish për top, nuk ka asnjë shans të sfidojë ligjin e shtetin!”, shkruan Rama.
MOMENTI I SHOQËRIMIT TË BANORIT QË TENTOI TË QËLLONTE RAMËN
