Argjentina në Botërorin e Rusisë ishte një dështim i madh, pavarësisht se kaloi fazën e grupeve. Loja që treguan në fushë argjentinasit e udhëhequr nga Jorge Sampaoli linte shumë për të dëshiruar. Lionel Messi pritej që të zhvillonte një Botëror të mirë dhe Argjentina në fillim të këtij kompeticioni shihej si favorite.
Legjenda e Argjentinës, Diego Armando Maradona, që nga eliminatoret e Kupës së Botës ka qenë një zë kundër në kombëtare. Ai ka kritikuar shumë zgjedhjet e trajneri Sampaoli. Ndërsa tani ai e ka me kritikët e Messit dhe me Federatën. “Ata e donin Leon për të zgjidhur të gjitha problemet. Në fakt, me ato pasime të Biglias apo Enzo Perez, ai u kthye si një karrocë dore në kalldrëm”, tha Maradona.
Gjithashtu, ish-lojtari i Argjentinës i doli kundra edhe Federatës duke thënë: “Historia shkon përmes cilësisë së udhëheqësve. Argjentina nuk po bën dot një ekip konkurrues, edhe pse ka mjaft lojtarë që dinë të luajnë mirë futboll.
Unë marr shembull Davor Suker, të cilin e kisha partner te Sevilla. Ai e drejton Federatën e Futbollit të Kroacisë dhe ka një marrëdhënie të jashtëzakonshme me lojtarët. Ata kanë një ekip të përgatitur për të dhënë gjithçka në fushë dhe janë në finale të Botërorit”, përfundoi Diego Armando Maradona.
