Thuajse të gjithë e dimë shprehjen frazeologjike “macja ka 7 shpirtra”, dhe jemi bindur deri diku kur kemi parë ta hedhin nga lartësi të mëdha e ajo të bjerë në këmbë pa i ndodhur gjë.
Këto kafshë të bekuara nga “Profeti Muhamed” janë miq të mirë të njeriut dhe kujdesen për ne, por ka dhe raste kur njerëzit kujdesen aq shumë për to, aq sa i rikthejnë në jetë.
Një mace ‘e ngrirë’ në gjendje kome është gjetur ‘e varrosur’ nën dëborë, ajo është dërguar menjëherë në spitalin e kafshëve dhe veterinerët kanë mundur të bëjnë mrekullinë, ta rikthejnë sërish në jetë.
Macja e quajtur Fluffy, jeton në Kalispell, Montana, me pronarët e saj. Por papritur ajo humbi dhe pronarët fillojnë kërkimet. Macen e gjejnë nën dëborë ku qimet e saj ishin të mbuluara nga akulli.
Macja ishte në gjendje kome sepse temperaturat jashtë ishin nga -1 deri në -8.
Fillimisht macja u fut në ujë të ngrohtë që t’i shkrinte akulli për rreth dy orë. Veterinerët deklarojnë se vetëm pas disa orësh trajtimi me masazhe në temperatura të nxehta macja fillojë të japë shenja jete. Pasi macja e mori plotësisht veten dhe ishte jashtë çdo rreziku për të humbur jetën u kthye në shtëpinë e ngrohtë bashkë me pronarët e saj.
