18-vjeçari Anri Kashiku, i cili humbi jetën ndërsa përpiqej të shpëtonte të vëllanë dhe një shokun e tij që ishin marrë nga dallgët në Durrës, është shpallur “Dëshmor i Atdheut.” Sakaq, Ministri i Mbrojtjes Niko Peleshi ka bërë të ditur se e ka firmosur vendimin e Komisionit Qendror të Statusit “Dëshmori i Atdheut”, për t’i dhënë statusin “Dëshmor i Atdheut”.
Anri Kashiku u mbyt në det teksa po përpiqej që të nxirrte nga ujërat e Adriatikut vëllain e tij 15-vjeçar dhe një shokun e tij. Kashiku nuk mundi të dalë nga ujërat e detit, pavarësisht se dy të tjerët i nxori në breg. Ai u gjet disa metra në thellësi pak orë më pas.
