Me ardhjen e Qershorit shumë shqiptarë drejtohen drejt zonave bregdetare për të bërë kaluar fundjavën por ka dhe nga ata që kanë filluar pushimet e plota që tani. Por një ngjarje e rëndë ka ndodhur sot në Gjirin e Lalzit rreth orës 12:00. Një i ri identifikuar si Ervis Spahiu është mbytur.
Ai kishte shkuar së bashku me dy të rinj të tjerë nga Tirana në Gjirin e Lalzit për të kaluar fundjavën. Në momentin që 22-vjeçari është futur për t’u larë është zhdukur.
Viktima e sotme shënon rastin e parë të mbytjes për këtë sezon turistik duke vijuar në të njëjtën gjendje si në sezonin e kaluar.
Kujtojmë se në Gjiri i Lalzit kanë vilat e tyre disa nga qeveritarët tanë dhe konsiderohet si një zonë e mirë për të bërë plazh.
Me gjithë këto konsiderata në këtë pazh nuk ka roje bregdetare të cilët vendosen në momentin që sezoni fillon zyrtarisht, por si pasojë e temperaturave të larta plazhet frekuentohen më shpejt nga qytetarët, ndërsa janë të pambrojtur në rast rreziku mbytje.
Referuar komunikatave zyrtare të policisë dhe raportimeve në media vetëm për tre muajt e verës së vitit 2017-të, 33 pushues kanë humbën jetën në ujërat shqiptare vetëm për tre muajt e verës.
Kryebashkiaku të marrë masa për vendosjen e rojës bregdetare. Edhe nëse sezoni turistik nuk është hapur jeta e pushuesve dhe e turistëve duhet të jete e sigurt që ata të rikthehen sërish aty.
