Indrit Bajraktari, 25-vjeç, i arrestuar nga policia që prej mesditës së 19 gushtit pas mbytjes së adoleshentes Enisa Doda në plazhin e Velipojës, pritet që të bëhet baba.
Bashkëshortja e tij, Almudena Bajraktari ka komunikuar me ‘Syri.net’, duke thënë se që prej vitit 2019, çifti jetonte bashkë në Londër.
Indrit Bajraktari ka qenë në lidhje dashurie me Almudena Bajraktarin që nga data 18 janar 2017.
Ata janë martuar më 18 prill 2019, dhe ajo është shtatzënë. 25-vjeçari i ka thënë bashkëshortes së tij se do të vizitonte familjen e tij, ndaj kishte ardhur në Shqipëri.
Ajo nuk ka dhënë detaje nëse do të vijë në Shqipëri për të parë burrin e saj, pas informacioneve që ka marrë në lidhje me ngjarjen e Velipojës.
E mitura ndodhej me pushime prej dy ditësh me familjen, ndërsa kishte mbushur 17-vjeç më 9 gusht.
