Një person është mbytur në portin e Durrësit këtë të dielë, teksa trupi i tij u pikas nga Policia kufitare.
Sipas Balkanweb-it viktima është rreth 25 vjeç, ndërsa dyshohet se është sirian. Trupi i të riut është gjetur brenda basenit ujor nga policia kufitare dhe është nxjerrë në breg pa shenja jete.
Paraprakisht raportohet se në trupin e viktimës nuk janë gjetur shenja dhune, ndërsa trupi ka qenë i padekompozuar çka sjell dyshimet se i riu është mbytur në det dhe nuk është hedhur aty.
Policia
“Më datë 30.05.2021, në Portin e Durrësit, në afërsi të barkave të peshkimit është gjetur i mbytur në ujë një shtetas i seksit mashkull, i paidentifikuar.
Menjëherë në vendngjarje kanë shkuar Efektivet e Policisë, ku nga kqyrja paraprake e kufomës nuk janë konstatuar shenja dhune.
Grupi hetimor po punon për identifikimin e personit dhe zbardhjen e plotë të ngjarjes.“
Në foton që sjell “BalkanWeb”, i riu shihet me çantën e shpinës, me gjërat e tij personale, pasi është nxjerrë nga uji.
