Kryegjyshi Botëror i Bektashinjve, Haxhi Dede baba Edmond Brahimaj vlerëson vendimin e qeverisë për mbylljen e lojërave të fatit.
Megjithatë, ai ka edhe një mesazh për kryeministrin Rama. Baba Mondi kërkon që njëkohësisht të hapen edhe vende pune.
“E vlerësoj këtë vendim nga kryeministri. Mbyllja e tyre është për të mirën e familjeve shqiptare. Lojërat e fatit janë të dënuara me ligj edhe me fe. Ato i mësojnë dembelë dhe i shkatërrojnë njerëzit. Por të hapen sa më shumë vende pune që të punësohen njerëzit”, ka thënë ai.
Tre ditë më parë, pasi u njoftua vendimi i qeverisë, reagoi kryegjyshi me këtë deklaratë:
“U njoftuam nga mediat mbi iniciativën e fundit qeveritare lidhur me lojërat e fatit. Në këtë rast e shikojmë me optimizëm nismën, e cila i bashkohet vlerave të bektashinjve, për të ruajtur rininë dhe familjen tonë të pastër, larg veseve. Le të shpresojmë që nisma të tilla në dobi të shoqërisë të shtohen”.
