Përfundon mbledhja e zhvilluar në selinë blu mes kryedemokratit, Lulzim Basha dhe 4 ambasadorëve.
Pas mbyllje së takimit mësohet se diplomatët nuk kanë pranuar të flasin për mediat. E ngarkuara me punë e ShBA-së, Leyla Moses-Ones, nuk pranoi të jepte asnjë koment rreth bisedës në mbledhjen me Bashën.
“Takimi ishte privat, nuk kam komente”, tha ajo për gazetarët.
Ky takim mes zyrtarëve ka qenë i paracaktuar dhe diskutimet kanë qenë të shumta. Në të morën pjesë Leyla Moses-Ones, ambasadori i BE-së, Luigi Soreca, i Britanisë Duncan Norman dhe i Gjermanisë Peter Zingraf. Mësohet se në fokus të takimit të ketë qenë Reforma Zgjedhore.
