Janë mbyllur pjesët e para të ndeshjeve të raundit të katërt në fazën e grupeve në Champions League. Janë zhbllokuar me gola pothuajse të gjitha ndeshjet.
Dortmund pasi atyre ndeshjeve katastrofike është rikthyer të fitojë përballë APOEL, rezultati aktual është 1-0 dhe goli u shënua nga Guerreiro. Kjo fitore nuk është se i sjell shumë shanse gjermanëve për kualifikim, por i mban në garë. Nga ana tjetër Tottenham e ka mbyllur në avantazh pjesën e parë përballë gjigantëve të Real Madrid me gol të Alli. Një ndeshje e luftuar mjaft fort nga të dyja ekipet, pasi fitorja pret biletën për në fazën tjetër. Pritet një reagim nga madrilenët në pjesën e dytë për të barazuar rezultatin.
Napoli është duke zhvilluar një ndeshje të madhe përballë Manchester City, dominojnë pothuajse gjithë pjesën e parë. Është Insigne që kalon në avantazh italianët më një gol mjaft të bukur, pas një kombinimi me Mertens. Napolitanët dominojnë pothuajse të gjithë pjesën e parë, por City në një rast që u jepet i ndëshkojnë me anë të Otamendit, i cili barazon shifrat në pjesën e parë. Sarri është i detyruar të fitojë pasi Shaktar është duke mposhtur Feynoord dhe kap kuotën e 9 pikëve.
Sevillia është duke mposhtur Spartakun e Moskës, me golin e Leglent dhe merr kryesimin e grupit, pasi Liverpool është duke barazuar pa gola me Maribor.
