Janë mbyllur pjesët e para që po zhvillohen për raundin e tretë në Cjampions League. Kryesisht ekipet e mëdha që kanë qenë favorite për të fituar sfidat i kanë zhbllokuar ato, por ka edhe surpriza në këtë mbrëmje.
Juventus është ndëshkuar shumë që në minutën e 12’ nga një përplasje e topit tek Alex Sandro dhe që kalon në avantazh portugezët e Sporting. Italianët e kanë kërkuar me çdo kusht barazimin pasi një humbje në këtë sfidë do ta vështirësonte shumë kalimin e grupit. Është Pjanic që ekzekuton një goditje dënimi në mënyrë perfekte dhe barazon gjithçka në minutën e 29’, duke e lënë portierin të shtangur. Pjesa e parë është mbyllur me këtë rezultat por do të jetë një pjesë e luftuar fort nga të dyja ekipet.
PSG është ekipi që hapi tiparin e golave, pasi Mbappe shënon që në minutën e tretë për ti dhënë avantazhin parisienëve përballë Anderlecht. Vendasit përpiqen të reagojnë por e kanë shumë të vështirë të depërtojnë deri tek porta, pasi mbrojtja e PSG është e pakalueshme. Në fundin e pjesës së parë është Edison Cavani që shënon me kokë dhe dyfishon rezultatin, që do të qëndrojë për pjesën e parë.
Barcelona vuan përballë Olympiacos në “Camp Noë” edhe pse në avantazh. Katalanasit kanë kaluar në avantazh nga një autogol i mbrojtësit grek Nikolao. Por Barcelonës i duhet një sforco më e madhe në pjesën e dytë pasi Pique është ndëshkuar me kartonin e kuq 3 minuta para mbarimit të pjesës së parë.
Bayern Munich ka gjetur ecurinë e duhur pas ardhjes në pankinë të Heynckes. Bavarezët kanë kaluar në avantazhin prej dy golave që në pjesën e parë në “Allianz Arena”. Golat janë shënuar nga Muller në minutën e 17’ dhe nga Kimmich në të 29’-ën. Rezultat komod për gjermanët që do të kërkojnë ta thellojnë në ojesën e dytë për të treguar se ata janë rikthyer.
Mourinho është rikthyer në Benfikë pas plot 17 vitesh. Këtë herë si traner i Manchester United. Pjesa e parë është mbyllur me rrjeta të paprekura dhe ajo çfarë u pa në fushën e lojës ishte e balancuar. Formacioni i Mou nuk ka arritur të shfaqë potencialin që ka dhe Benfica po e përballon mjaft mirë.
Chelsea është duke dominuar Romën me rezultatin 2-1, është David Luiz që kalo në avantazh vendasit që në minutën e 11’, pas dy goditjeve të njëpasnjëshme dhe shënon një gol mjaft të bukur. Pak minuta para fundit të pjesës së parë është Hazard që dyfishon rezultatin, pas një pasimi perfekt të Moratës. Kolarov do të shkurtojë diferencën 5’ minuta para mbylljes së pjesës së parë, pas një depërtimi të çmendur mes mbrojtësve dhe bën një goditje perfekte. Spektakël do të dhurojë kjo sfidë edhe në pjesën e dytë.
Basel i Taulant Xhakës është duke fituar në Moskë përballë CSKA, pas në goli mjaft të bukur të shënuar nga Xhalka. Zvicerianët janë duke treguar një formë mjaft të lartë dhe pritet të dominojnë edhe në pjesën e dytë.
