Në mbledhjen e fundit të grupit të Partisë Demokratike, kryetari Basha është fokusuar te arsimi. Demokratët vendosën që të marrin sërish pjesë në punimet e Kuvendit, si dhe do të shkojnë në Komisionin e Medias ku do të kërkojnë anulimin e ligjit të arsimit të lartë.
Kryedemokrati Basha ka thënë në mbledhje se PD do të jetë aty ku kalendari parashikon çështje të ndjeshme për qytetarët, si dhe ka kërkuar angazhim maksimal.
“Arsimi në Shqipëri është në kolaps total. Duhet të angazhojmë gjithë kapacitetet tona për arsimin, duhet të jemi të qartë. Qëndrimi ynë është anulimi i ligjit të arsimit të lartë. Për platformën e arsimit të lartë të angazhohen, ish-ministra arsimi, deputetë aktuale, pedagogë. Duhet të jemi të angazhuar totalisht për zinxhirin arsimor”, ka thënë kreu i PD.
