Pasditen e sotme te mbikalimi i “Rinasit” në Tiranë ka ndodhur një aksident me pasojë vdekjen.
Shtetasi Elton Doda, duke drejtuar mjetin, ka aksidentuar këmbësoren R.L, 68 vjeçe e cila po kalonte rrugën. Elton Doda është 25 vjeç dhe banon në Mamurras.
Drejtuesi i mjetit e ka transportuar vetë në spital shtetasen R.L, por në spital ka ndërruar jetë. Nga hetimet paraprake dyshohet se shtetasja R.L, ka tentuar të kalojë nga njëra anë e rrugës në tjetrën, ku si pasojë e lagështisë në rrugë dhe errësirës është goditur nga automjeti.
Drejtuesi i automjetit ka njoftuar Policinë dhe menjëherë është kthyer në vendngjarje, ku janë duke u kryer veprimet me grup hetimor për zbardhjen e plotë të shkaqeve të aksidentit.
Drejtuesi i mjetit do të shoqërohet në polici për veprime te mëtejshme.
