Agjencia për statistika e BE-së jep shifra të frikshme rreth fëmijëve që lëvizin në Evropë dhe kërkojnë azil politik. Mbi 63,000 të mitur të pashoqëruar kanë kërkuar azil në Bashkimin Evropian për vitin 2016.
Sipas Eurostat-it, shifra ka rënë krahasuar me 97,000 fëmijët e regjistruar më 2015, por vazhdon të mbetet pesë herë më e lartë se mesatarja e mëparshme.
Gati 24,000 të mitur të pashoqëruar, ose gati 40% e shifrës totale, kanë ardhur nga Afganistani.
Prej azilkërkuesve të mitur, shumica kanë qenë meshkuj, përkatësisht 89%.
Numri më i lartë i aplikimeve për azil është regjistruar në Gjermani – gati 36,000 – pastaj në Itali, Austri dhe Britani.
