Nëse jeni një nga më shumë se 300 mijë shqiptarët që kanë aplikuar për Lotari Amerikane, atëherë e keni të pamundur të shihni nëse jeni fitues. Kjo për shkak të dyndjeve të mëdha të njerëzve në faqen zyrtare të lotarisë E-DV-së.
Përgjigjet për lotarinë dolën më datë 7 maj, duke nisur që nga ora 18:00, por që faqja ka qenë e paaksesueshme për shkak të dyndjes së qytetarëve për të parë nëse janë fitues apo jo.
Për të parë nëse jeni fitues, është i domosdoshëm përdorimi i numrit unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare.
Më tej, Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre. Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve.
