Kryeministri Edi Rama ka bërë sot një njoftim të rëndësishëm në profilin e tij në Facebook, ku shkruan se është hapur konkursi për pozicionet “Drejtori i Përgjithshëm” të spitaleve universitare dhe “Drejtor” të spitaleve rajoneve.
Ndërkohë, një komentues është shprehur skeptik lidhur me këtë njoftim, teksa i kujton kryeministrit Lotarinë Amerikane dhe aplikimet rekord të shqiptarëve në ditën e parë.
“Kaq mirë janë gjërat sa në ditën e parë të lotarisë Amerikane shifra mbi 30 mijë aplikime, imagjino për 30 ditë kjo është Shqipëria jonë ku mjeku të rrjep e të lë punton në trup, gjykatësi të vret së gjalli, polici të nxin, i huaji të përbuz, mjer ky popull”, shkruan një komentues.
Por, kryeministri nuk ka denjuar t’i përgjigjet këtij qytetari, teksa ia kthen:
E para Albert, llotaria amerikane ka pasur ka dhe do të ketë gjithnjë interes ndër shqiptarët, pavaresisht mjekut, gjykatësit apo policit; e dyta, Shqipëria jonë është shumë më mirë sot se dje dhe duhet të bëhet shumë më mire nesër se sot, por me punë e sakrifica jo me llafe e me qurravitje; e treta, popullin lëre se flet vetë, sic foli në 25 qershor, ti fol për vete dhe kur merr përsipër të shkruash, përpiqu mos bësh tre gabime për cdo rresht!
