Pensionisti Kwok Cheuk-kin ka dërguar në gjyq më shumë se 30 herë qeverinë e Hong Kong. Edhe pse ka më shumë se një dekadë që i është përkushtuar kësaj lufte ligjore, ai ka fituar vetëm 1 çështje. Në vend ai njihet edhe si mbreti i rishikimit gjyqësor të Cheung Chau, ishulli ku 79-vjeçari jeton.
“Unë i detyrohem qeverisë rreth 4 milion paund tarifa ligjore. Por edhe pse shuma është kaq e lartë dhe unë kam bërë shumë sakrifica, unë nuk kam frikë apo pendesa.”
I moshuari po sfidon planet e qeverisë për të lidhur Hong Kong-un me kontinentin e Kinës nëpërmjet një hekurudhe me shpejtësi të lartë. Ndërkohë që shumë qytetarë janë duke e mbështetur planin, të tjerë shprehen se kjo gjë do të rrezikojë gjysmë-autonominë e qytetit me Beijing.
“Njerëzit e gjeneratës sime, veçanërisht ata pro-krijimit të këtij plani, mendojnë se unë po harxhoj paratë e qeverisë dhe shpërdoruar burimet gjyqësore. Por, unë nuk mendoj njësoj. Edhe pse unë humbas gjithmonë në gjykatë, të gjitha çështjet do të shkruhen në histori. Brezi i ardhshëm mund të vendosë, nëse kjo që po bëj unë është gabim apo e drejtë. Sepse këtë gjë nuk e vendosin gjykatësit.”
Përshtati: Tirana Today
