Interi është duke bërë shumë mirë në fushën e blertë dhe tifozët janë duke ia shpërblyer më së miri. Mbështetja e tyre nuk ka munguar edhe në momentet më të vështira, por këtë sezon ata janë duke vendosur rekorde ndeshje pas ndeshje.
Ndaj Tottenham dhe ndaj Milan “San Siro” ishte i gjithi “sold out” dhe Inter arkëtoi 10 milionë euro vetëm nga këto dy ndeshje. Edhe në ndeshjet e tjera, me kundërshtarë më të dobët Inter e ka mbushur stadiumin. Por edhe në përballjen e kësaj fundjave ndaj Genoas në “San Siro” shirat e biletave të shitura janë të ‘frikshme’, deri sot janë shitur rreth 65 mijë bileta.
Meritë në këtë arritje kanë Inter Club-et në të gjithë botën. Në këtë ndeshje do të jenë 21 mijë tifozë nga Club-et e mbi 20 vendeve të ndryshme të botës, përfshirë Kinën, SHBA-të, Panamanë, Arabinë Saudite, Marokun dhe padyshim nga Shqipëria (Inter ka mbi 1200 anëtarë zyrtarë nga vendi ynë).
Në këtë ndeshje do të jenë të pranishëm edhe 100 trajnerë nga Italia dhe Europa. Inter Club përbëhet nga mbi 120 mijë anëtarë të regjistruar në botë, nga 65 vende të ndryshme, ndërsa në total janë 855 Club-e të ndryshme.
