Qarqet kryesore të Verilindjes së vendit janë mbuluar nga dëbora. Tashmë ka mbërritur i ftohti arktik, teksa temperaturat kanë rënë ndjeshëm. Pritet që në vazhdim të ketë reshje shiu të dobëta lokalisht mesatare në qarqet Elbasan, Korçë dhe Vlorë.
Ndërkohë sipas raportit të Institutit të Gjeoshkencave, Energjisë, Ujit dhe Mjedisit për motin informohet se në ditët në vijim priten reshje në formë dëbore deri në 400m mbi nivelin e detit (në zona shumë të kufizuara mund të zbresin dhe poshtë këtij niveli, përfshirë edhe bregdetin e Jonit, por kryesisht dëborë e përzier me shi). Të enjten teperaturat temperaturat minimale dhe maksimale të ajrit pritet të arrijnë në bregdet: 2 deri në 9 °C, në vendet e ulëta do varijojnë nga 2 deri në 7 °C dhe në vendet malore: -6 / 0 °C.
Po ashtu, ka pasur vështirësi qarkullimi në zona si Kalaja e Dodës, Lurës për shkak të reshjeve të dëborës në Qarkun e Dibrës. Edhe aksi i rrugës, Kukës-Peshkopi kalohet me shumë vështirësi. Aktualisht, dëbora po vazhdon në qarkun e Kukësit, ndërsa temperaturat kanë rënë nga 0 deri në -6 °C.
Në njësitë administrative Ostren,Trebisht, Zalldardhë, situata vijon të jetë e vështirë, ndërsa borëpatrueset kanë filluar të pastrojnë aksin nga qafa e Buallit drejt Peshkopisë.
