Kompania Pfizer do të sjellë mbrëmjen e sotme 1,170 doza të vaksinës anti-covid në vendin tonë. Lajmin e ka bërë të ditur kryeministri Edi Rama nga Rinasi në një komunikim për mediat, i shoqëruar nga ministrja e Shëndetësisë, Ogerta Manastilriu, dhe ministri i Shtetit për Rindërtimin, Arben Ahmetaj.
Kreu i qeverisë u shpreh se marrëveshje me Pfizer kanë arritur vetëm Shqipëria dhe Serbia, teksa nuk i kurseu kritikat për Bashkimin Europian.
Rama tha se qeveria mbetet në kontakt me programin COVAX, por se ende nuk ka asgjë të qartë për ardhjen e vaksinave.
Edi Rama: “Ne kemi filluar vaksinimin me doza që kanë ardhur dhuratë nga një vend mik i BE-së, emrin e të cilit ende nuk mund t’ua komunikojë, ndërkohë që kemi kontratën e drejtpërdrejtë me Pfixer, ne Shqipëria dhe përveç nesh dhe Serbia, vendet e tjera sic po e ndiqni janë ende në një situatë pritshmërie në kushtet kur vaksina po komplikohet gjithnjë e më shumë dhe kur për këtë çështje Europa ka hyrë në një kaos, me jo vetëm BE, por edhe vende të tjera të mëdha që kërcënojnë me ndjekje në rrugë ligjore.
I them për të mos harruar që sidoqoftë ne jemi në kushtet kur procesi i vaksinimit e kemi garantuar dhe do ta vazhdojmë falë faktit që nuk e lamë veten në dorë të të tjerëve, nuk pritëm COVAX, është ende në një proces që nuk duket se ku e ka fillimin. Jemi në kontakt, të vazhdueshëm, por edhe ata nuk janë të qartë dhe nuk japin një sinjal qartësi”.
