Humbja në shtëpi përballë Tottenham me rezultatin e thellë 3-0 ishte treguesi i qartë që te Manchester United nuk po funksionon asgjë dhe se ka shumë tension brenda klubit. Menjëherë pas ndeshjes sulmet e para iu drejtuan trajnerit, Jose Mourinho të cilët e quajtën të shkarkuar pasi ishte humbja e dytë në tre ndeshje e para. Por portugezi nuk preferoi ta komentojë dhe braktisi konferencën pas ndeshjes duke thënë: “Më shumë respekt, kam fituar më shumë tituj Premier League se të gjithë trajnerët tjerë bashkë”.
Ndërsa ditën e sotme është mbledhur menjëherë bordi drejtues dhe kanë marrë vendimin se çfarë do të ndodhë me klubin. Ata i kanë dhënë sërish besimin Mourinhos, të paktën tani për tani që të vazhdojë të punojë me skuadrën. Kjo ishte nisja më e keqe që United kishte bërë në 26 vitet e fundit. Tashmë Mou duhet të bëjë një punë të madhe me futbollistët që ti rikthehet fitoreve, pasi ka mbështetjen e bordit drejtues por edhe të tifozëve.
Tifozët pas humbjes ndaj Tottenham e kanë duartrokitur trajnerin që largohej nga fusha. Por edhe trajneri ua ktheu respektin, duke qëndruar në fushë dhe duartrokitur tifozët për më shumë se 1 minutë edhe pse lojtarët e United kishin hyrë në dhomën e zhveshjes. Kjo skenë duket se ka bindur bordin drejtues t’i besojë ende trajnerit portugez, që do të vazhdojë detyrën e tij si trajneri i Manchester United. “Djajtë e Kuq” do të duhet që të fitojnë me çdo kusht në ndeshjen e radhës e cila do të luhet në transfertë përballë Burnley.
